Պենետիկտոս ԺԶ Սրբազան Քահանայապետին Այցելութիւնը Անկարներուն` Նորին Սրբութեան Կոչը
Կեանքի Յարգանքին։
Շաբաթ օրը երեկոյեան, Պենետիկտոս ԺԶ Քահանայապետը այցելեց Մատրիտի Ս. Յովսէփի անուան անկարներու կեդրոնը։ Նորին Սրբութիւնը այս առթիւ անգամ մը եւս կոչ ուղղեց կեանքի անգնահատելի արժանաւորութեան յարգանքին ի խնդիր, յիշեցնելով թէ ամէն մարդկային կեանք ստեղծուած է Աստուծոյ պատկերին ու նմանութեան համաձայն։
Նշենք թէ այս կեդրոնը հիմնուած է 1899-ին, ներկայիս կը խնամէ ֆիզիքական ու մտային աւելի քան 400 անկարներ։
Նախապէս Սրբազան հայրը Պուէն Ռեդիրօ կոչուած այգիին մէջ ապաշխարհութեան առանձնական խորհուրդը մատակարարեց չորս պատանի պարմանուհիներու` անոնցմէ երկուքը ֆրանսացիներ էին, մէկը գերմանախօս զուիցերիացի իսկ չորրորդը սպանացի։
Իր այս նախաձեռնութեամբ Սրբազան Քահանայապետը ուզեց շեշտել խոստովանանքի խորհուրդին կարեւորութիւնը ամէն մէկ քրիստոնեայի համար։
| All the contents on this site are copyrighted ©. |